Fillos do Océano

Javier Teniente é un fotográfo vigués, que se presupón que como galego xa coñece o esforzo ostinado da xente do mar; as súas virtudes e tamén dos seus defectos, non só en Galicia en particular, senón precisamente a partires dunha reportaxe sobre os mariñeiros galegos (2001), principiou o derradeiro proxecto que ten entre súas mans e que por nome ten o titulo desta entrada.

A dramáticas esceas da pesca dos túnidos en Barbate, a espectacular varredoura (xávega) en Portugal, a procura do bacallau nas illas Lafoten (Noruega), a caza de baleas en Indonesia, de crustáceos nas profundidades marinas da costa dos Mosquitos (Nicaragua)...  Amosa no seu traballo pesca artesanal e de subsistencia en perigo de desaparecer polo imparable proceso industrial, unha homenxe a esa xente que aman e veneran o mar, e obteñen o preciso para vivir.

Tamén é unha chamada de atención para consevación do ecosistema, do saber -grazas a tradición oral-, e un respecto non só a un mesmo, ao propio medio preservando un desenvolvemento sostíbel, con colleitas anuais, para non esgotar os seus recursos naturais.

[DDescrición imaxe]

Centro Social de Caixanova en Compostela, praza de Cervantes.
Foto: © Obra Social Caixanova

 

Podedes ollar dita exposición en Compostela —de balde— ata o 24 de Outubro 2010, no Centro Social de Caixanova, Pz. de Cervantes n° 17.
Horario (CEST):
de luns a venres, de 18—21:30 h, sábados, domingos e festivos, de 11—14 h. e de 18—21:30 h.

En Vigo, de 1—5 € (ver Tarifas), no Museo do Mar de Galicia, Av. da Atlántida n° 160, entre o 5 de novembro 2010 ao 9 de xaneiro 2011.
Horario (CET):
de martes a venres, de 10—14 h, sábados, domingos e festivos, de 11—19 h.