© Jean Guichard - Faro de «La Jument»
Está é unha das fotos mais coñecidas de Jean Guichard coa que quedou finalista do World Press Photo (1989). O día no que tirou dita imaxe, un gran temporal asolaba a costa, e Jean Guichard achégouse co helicóptero da súa equipa ao faro La Jument, preto da illa de Ouessant.
O fareiro Theodore Malgorne estaba moi asustado ese día, xa que o temporal era dos peores que vira na súa vida, as ondas destrozaran as fiestras do primeiro andar e inundaran o soto. A situación, como podedes imaxinar, era moi perigosa e de feito, chamara a garda costeira para que o sacaran de alí. Ao escoitar o helicóptero do fotógrafo, pensou que eran os servizos de rescate e baixou correndo, abriu a porta do faro e a piques estivo de morrer asobaiado pola onda que rompía nese intre contra o faro.
Nese preciso instante en que Jean Guichard tirou a súa serie mais famosa de fotografías e o fareiro Malgorne, por puro instinto, voltou a meterse dentro, co que salvou a súa vida.
A illa de Ouessant, no nordés de Francia, é unha zona escarpada e moi perigosa, con mal tempo durante case todo o ano. En xuño de 1986 o naufraxio do barco a vapor «Castelo de Drummond» provocou a morte de preto 250 persoas. Para facer unha navegación máis segura se construiu o faro «La Jument» en 1904, sobre unha rocha do mesmo nome, a 300 metros da illa.
Publicación programada tamén no blogue do Café Druida (Ourense)
